प्रधानमंत्री करसान सम्मान फंड प्रधानमंत्री करसान सम्मान फंड इक नमीं केंदरी योजना (PM-KISAN) ऐ जेह्ड़ी देश दे सभनें जमीन धारक करसानें दे परिवारें गी राही-बाही ते सरबंधत गतिविधियें दे कन्नै-कन्नै घेरलू जरूरतें लेई बक्ख-बक्ख खरीद लेई अपनी माली जरूरतें गी पूरा करने लेई माली मदाद देने लेई ऐ। जोगता सभनें जिमीं धारक (जोत धारक) करसान परिवार योजना (मजूदा समें च नरधारत छूट मानदंडें दे अधीन) एह्दे तैह्त लाह् हासल करने लेई पात्तर न। उच्ची माली स्थिति आह्ले लाभार्थी हेठ दित्ती जा करदी कोटियें दे तैह्त पात्तर नेईं होङन: · सब्भै संस्थागत जिमीं धारक · करसान परिवार दे इक जां मते सदस्य दित्ती जा करदी कोटि कन्नै सरबंधत न:- o सारे संस्थागत जिमीं धारक ते o संविधानक औह्दें दे साबका ते मजूदा धारक o साबका ते मजूदा मंत्री/राज्य मंत्री ते लोकसभा/राज्यसभा/राज्य विधानसभा/राज्य विधानसभा दे साबका/मजूदा सदस्य, नगर निगमें दे साबका ते मदूदा मेयर, जि’ला पंचैतें दे साबका ते मजूदा प्रधान o केंदर/राज्य सरकार दे मंत्रालय/दफतर/ऴिबाग ते उं’दियां खेत्तरी इकाइयां, केंदर जां राज्य दे सार्वजनक उपक्रमें ते सरबंधत दफतर/सरकार दे कन्नै-कन्नै मकामी संस्थाएं दे पाबंद जां रटैर अधिकारी ( मल्टी टास्किंग स्टाफ/वर्ग IV/ग्रुप डी दे मलाजमें गी छोड़ियै) o अंतम मूल्यांकन ब’रे च इनकम टैक्स भरने आह्ले सब्भै माह्नू o पेशेवर डाक्टर, इंजीनियर, वकील, चार्टर्ड अकाउंटेट ते पेशेवर संस्थाएं कन्नै रडिस्टर्ड ते कारज करै करदे आर्किटेट। लाह् पीएम-करसान योजना दे अंतर्गत, सभनें जोगता हासल जिमीं धारक करसानें दे प्रति परिवार दी हर च’ऊं म्हीनें च 2000 रपेऽ दी त्र’ऊं किस्तें च कुल 6000 रपेऽ दित्ते जाङन। दरखास्त कियां करचै · जोगता हासल करसान ग्रां दे पटवारी, माल अधिकारी जां होर नामजद अधिकारी/अजैंसी कोल लोड़चदा ब्योरा पेश करियै दरखास्त करी सकदे न। · करसान अपने नेड़में कामन सर्विस सेंटर (CSC) पर जाइयै बी भुगतान करियै रजिस्ट्रेशन करी सकदे न। · करसान आपूं बी पीएम करसान पोर्टल च कारसान कार्नर दे राहें अपना रजिस्ट्रेशन करोआई सकदे न। रजिस्ट्रेशन दी स्थिति दी जांच करने लेई, इत्थै क्लिक करो। · रजिस्ट्रेशन लेई लोड़चदे ब्योरे च नाऽ, बरेस, लिंग, श्रेणी (एससी/एसटी), आधार नंबर (जेकर आधार नंबर जारी नेईं कीता गेआ ऐ तां आधार नामजदगी नंबर कुसै होर नरधारत दस्तावेजें कन्नै ड्राइविंग लसैंस, वोटर पंछान पत्तर, नरेगा जाब कार्ड जां केदर/राज्य/केंदर शासित प्रदेश सरकार जां उं’दे अधिकारियें आसेआ जारी कीते कीते गे कोई बी पंछान दस्तावेज बगैरा) बैंक खाता नंबर ते लाभार्थी दा मोबाइल नंबर। होर मती जानकारी लेई पीएम करसान पोर्टल पर क्लिक करो।