एमएसएमई लेई ब्याज सब्सिडी योजना एमएसएमई लेई ब्याज सब्सिडी योजना एह् योजना कोविड-19 दी महामारी कन्नै मतासर होने आह्ले लौहकें कम्म-धंदें गी ब्याज सब्सिडी देने लेई ऐ। इस योजना दी घोशना आत्मनिर्भर भारत अभियान दे अंतर्गत एमएसएमई कन्नै सरबंधत उपाएं गी लागू करने लेई कीती गेई ऐ। थ्होने आह्ले लाह् · 2% दी ब्याज सब्सिडी 12 म्हीनें दी मेयाद लेई प्रधानमंत्री मुद्रा योजना (पीएमएमवाई) दे तैह्त सभनें लौह्के कर्ज पात्तरधारी दुहारकर्ताएं गी थ्होग। · जि’नें दुहारकर्ताएं गी आरबीआई दे कोविड-19 नियामक पैकेज दे अंतर्गत अपने सरबंधत कर्जदाताएं आसेआ कर्ज-मुल्तवी करने दी इजाजत दित्ती गेई ऐ उं’दे लेई एह् योजना 01 सतंबर, 2020 थमां 31 अगस्त 2021 तगर 12 म्हीनें दी मेयाद तगर कर्ज मुल्तवीकरन दी मेयाद पूरा होने दा बाद लागू होग। होरनें दुहारकर्ताएं लेई इस योजना दी मेयाद 01 जून, 2020 थमां 31 मेई, 2021 तगर होग। पीएमएमवाई दे अंतर्गत, औंदन पैदा करने दी गतिविधियें लेई 50,000 रपेऽ तगर दे कर्ज गी शिशु कर्ज आक्खेआ गेआ ऐ। अनुसूचित तजारती बैंक, गैर बैंकिंग वित्त क्पनियां ते माइक्रो फाइ’नेंशियल इदारे, मुद्रा लिमिटेड कन्नै रजिस्टर्ड जनेह् सदस्य कर्ज इदारें तगर पीएमएमवाई कर्ज बस्तारत न। जोगता · इस योजना गी दित्ते जा करदे मानदंडें गी पूरा करने आह्ले उ’नें कर्जें तगर बस्तारत कीता जाह्ग- 31 मार्च, 2020 तगर बकाया ते भारती रिजर्व बैंक दे दिशा निर्देशें दे अनासर 31 मार्च, 2020 तगर ते योजना मेयाद दे दारन नान परफार्मिंग एसेट दी कोटि च नेईं औंदे। · एनपीए कोटि च नेईं औने आह्ले म्हीनें दी मेयाद ते खआता दे एनफीए कोटि च औने दे बाद परतियै परफार्मिग एसेट होने दी मेयाद च एह् ब्याज सब्सिडी देय होग। एह् योजना कर्ज दा पाबंद मुड़-भुगतान करने आह्लें लोकें गी हौसला-हफजाई देग। लागू करने आह्ली संस्था एह् योजना भारती लघु उद्योग बकास बैंक (SIDBI) दे राहें लागू कीती जाह्ग ते योजना संचालन दी मेयाद 12 म्हीने होग। राबता करो हकदार बरतूनक अपने शिशु कर्ज खाते आह्ले बैंक कन्नै राबता करी सकदे न। होर मता जानने लेई इत्थै क्लिक करो।