डेरी उद्यमिता बकास योजना उद्देश पशुपालन, डेरी ते मच्छीपालन विभाग आसेआ डेरी खेत्तर च स्वरुजगार दे मौके पैदा करने, दुद्द उत्पादन बधाने, खरीद, सांभ-सम्हाल, ट्रांसपोर्ट, प्रसंस्करण ते दुद्द दी तजारत जनेही गतिविधियें दी बैंक राहें मंजूरशुदा योजनाएं गी पूंजीगत सब्सिडी देने दी मदाद देने लेई डेरी उद्यमिता बकास योजना गी लागू कीता जा करदा ऐ। एह् योजना राश्ट्री राही-बाही ते ग्राईं बकास बैंक (नाबार्ड) आसेआ अमल च आहनी जा करदी ऐ। थ्होने आह्ले लाह् एह् योजना डेरी खेत्तर च ढांचागत बदलाऽ लेई लौह्के डेरी फार्म ते होर मदाद दी स्थापना लेई मदाद दा बस्तार करना चांहदी ऐ। योयना दे तैह्त मदाद चोनमें मदादी घटकें लेई माह्नुएं, खुद मदाद समूहें, गैर सरकारी संगठनें, सैह्कारी कमेटियें गी ब्याज मुक्त कर्ज दे रूप च दित्ती जंदी ऐ। · करसान, निजी कारोबारी, गैर सरकारी संगठन, कंपनियां, असंगठत ते संगठत खेत्तर दे समूह् बगैरा। संगठत खेत्तर दे समूह् च खुद मदाद समूह (एसएचजी), डेरी सैह्कारी कमेटियां, दुद्द संगठन, दुद्द महासंघ बगैरा शामल न। · इक माह्नू इस योजना दे तैह्त सभनें घटकें लेई मदाद लेई सकदा ऐ पर हर घटक लेई सिर्फ इक बारी गै पात्तर होग। · योजना दे तैह्त इक्कै परिवार दे इक थमां मते सदस्य गी मदाद दित्ती जाई सकदी ऐ, बशर्तें जे इस योजना दे अंतर्गत ओह् भक्ख-बक्ख थाहरें पर बुनियादी स्हूलतें दे कन्नै बक्ख-बक्ख यूनिट स्थापत करन। इस चाल्ली दी दो यूनिटें दी चारदबारी दे मझाटै घट्ट थमां घट्ट 500 मीटर दा फासला होना चाहिदा। दरखास्त कि’यां करचै कारोबारियें गी योजना दी मंजूरी लेई अपने बैंकें च दरखास्त करनी होग। मनासब मानदंडें दे अधार पर बैंक योजना दी सफारश करङन ते जेकर ओह् मनासब जां पात्तर पाए जंदे न तां बैंक मार्जिन गी छोड़ियै कुल खर्च गी मंजूरी देई दित्ती जाह्ग। योजना दी तरक्की दे अधार पर मनासब किश्तें च रकम प्रदान कीती जंदी ऐ। राबता करो भारत सरकार दे राही-बाही मंत्रालय दा पशुपालन, डेरी ते मच्छीपालन विभाग (DAHD&F) राहें इस योजना दा संचालन कीता जा करदा ऐ। समें-समें पर रकम दी दस्तयाबी ते डोएएचडी एंड एफ, भारत सरकार ते नाबार्ड आसेआ जारी हिदायतें दे अधार पर गै सब्जिडी दी मंजूरी ते बंड कीती जंदी ऐ। योजना दे बारे च होर मता जानने लेई इत्थै क्लिक करो।