पशुधन बीमा योजना उद्देश इस योजना दा उद्देश करसानें ते पशुपालकें गी डंगरें दी मौत होने दी स्थिति च होने आह्ले नुकसान लेई सुरक्षा तंत्र प्रदान करना होग ते लोकें च पशुधन बीमा दे लाह् गी प्रदर्शत करना ते उं’दे पशुधन ते उं’दे उत्पादें च मेयारी सुधार आह्नने दे लक्ष्य कन्नै इसी मशहूर बनाना ऐ। लाह् 1. ग्राईं बीमा पालिसी करसानें, सैह्कारी कमेटियें, डेरी फार्में ते इस्सै चाल्ली दे देसी डंगरें दी मलकयित आह्ले करसानें गी बीमा दे अंदर आह्नने लेआ बनाया गेआ ऐ। 2. डंगरें दी मौत दे मामले च हेठ दित्ती जा करदी सुरक्षा दित्त्ती जाह्ग। · कुदरती दुर्घटना (हाड़, अकाल, भुचाल बगैरा) · इत्तफाकी घटनां ( अचानक पैदा होई दियां) · बमारियां · सर्जिकल आरपेशन · आतंकवादी ऐक्ट · हड़ताल ते दंगे · नागरक उपद्रव जोखम जोगता करसान (लौह्के/बड्डे/सीमांत) ते ऐसे पशुपालक जिं’दे कोल संकर ते मता उत्पाद पैदा करने आह्ले डंगर ते मेहियां न। दरखास्त कि’यां करचै तुस पशुपालन विभाग, डेरी ते मच्छीपालन विभाग ते राज्य स्तर दे राज्य पशुधन बकास बोर्ड कन्नै राबता करी सकदे न। राबता करो पशुपालन, डेरी ते मच्छीपालन विभाग ते मेहियें च टीके कन्नै गर्भधान दे राहें अनुवांशिक अपग्रेड दे कन्नै देसी लाहकारी जानवरें दे अर्जन दे उद्देश कन्नै मवेशी ते मेहीं प्रजनन (एनपीसीबीबी) दी राश्ट्री योजना दे अंतर्गत बकास बोर्ड जनेही राज्य आमलावरी अजैंसियें (SIA) दे राहें लागू कीता जा करदा ऐ। एनपीसीबीबी ते पशुधन बीमा मझाटै तालमेल आह्नने लेई योजना गी एसआईए दे राहें बी लागू कीता जाह्ग। लगभग सभनें राज्यें एनपीसीबीबी चुनेआ ऐ। जि’नें राज्यें च एनपीसीबीबी लागू नेईं कीता जा करदा ऐ जां जित्थै एसआईए नेईं ऐ, उस राज्य च पशुपालन विभाग दे राहें पशुधन बीमा योजना लागू कीती जाह्ग। योजना दे बारे च होर मती जानकारी लेई इत्थै क्लिक करो।