गरीब कल्याण अन्न योजना (प्रधानमंत्री – जेकेएवाई) प्रधानमंत्री गरीब कल्याण अन्न योजना (प्रधानमंत्री – जेकेएवाई) आत्मनिर्भर भारत प्रोग्राम दे इक हिस्से दे रूप च गरीबें ते खाना-बदोश लोकें गी मुफ्त अन्न दी आपूर्ति करने लेई इक योजना ऐ। लाह् 80 करोड़ थमां मते लोकें गी 50 किली मुफ्त कनक/चौल प्रति माह्नू/म्हीने दे कन्नै हर परिवार गी हर म्हीने 10 किली मुफ्त चना अप्रैल-नवंबर 2020 दे दरान दित्ता जाह्ग। 6 राज्यें/केंदर शासित प्रदेशें - पंजाब, हरियाणा, राजस्थान, चंडीगढ़, दिल्ली ते गुजरात गी कनक बंडी गेई ऐ ते बाकी राज्यें/केंदर शासित प्रदेशें गी चौल दित्ता गेआ ऐ। जोगता · गरीबी रेखा थमां हेठ रौह्ने आह्ले परिवार अंत्योदय अन्न योजना (एएवाई) ते तरजीह् आह्ली श्रेणी दे परिवार योजना दे पात्तर होङन। · तरजीह् आह्ली श्रेणी दे परिवारें दी पंछान राज्य सरकार/केंदर शासित प्रदेशं दे प्रशासन आसेआ बानए गे मापदंडें दे अधार पर कीती जानी चाहिदी। अंत्योदय अन्न योजना (एएवाई) दी पंछान राज्य सरकार/केंदर शासित प्रदेश दे प्रशासन आसेआ बानए गे मापदंडें दे अधार पर कीती जानी ऐ: · ऐसे परिवार जिं’दे मुखिया विधवा जां आम रूप कन्नै बपार माह्नू जां दिव्यांग माह्नू जां 60 ब’रे जां ओह्दे थमां मती बरेस दे माह्नू होन ते जिं’दे कोल गुजर-बसर जां समाजक मदाद दा कोई जकीनी जरिया नेईं ऐ। · सब्भै आदिम जनजातीय परिवार · भूमिहीन खेतीहर मजूर, सीमांत करसान, ग्राईं कारीगर/ कारीगर जि’यां घम्हैर, बुनकर, लुहार, तरखान, झोपड़-पट्टी आह्ले लोक ते अनौपचारिक खेत्तर च ध्याड़ी दे अधार पर अपनी रोजी-रुट्टी कमाने आह्ले माह्नू जि’यां कुल्ली, रिक्शा चालक, हत्थें गड्डी खिच्चने आह्ले, फल ते फुल्ल बेचने आह्ले, सपेरे, मोची, बे-स्हारा ते ग्राईं ते शैह्री दोनें खेत्तरें च दियां ऐसियां होर श्रेणियां। · गरीबी रेखा थमां हेठ रौह्ने आह्ले सारे एचआईवी प्रभावत परिवार दे सारे सदस्य पात्तर होङन। योजना दी बरतून कियां करचै होर मती तफसील जानने लेई अपनी नेड़मीं राशन दी दकान कन्नै राबता करी सकदे ओ।