आयुश्मान भारत उद्देश आयुश्मान भारत योजना दा उद्देश ब’रे 2025 तगर पूरे भारत गी रोग मुक्त करियै तरक्की दी बत्तै पर अगड़ा लेई जाना ऐ। एह्दे अंतर्गत हर ब’रे 50 करोड़ गरीब परिवारें गी सेह्त लाह् पजाना ते 5 लक्ख रपेऽ तगर दा मेडिकल बीमा कवर देना ऐ। लाह् आयुश्मान योजना दे लाह् · एह्दे च कैशलेस लैनदेन कन्नै लाभार्थियें गी थ्होने आह्ले सारे अस्पताल च दाखल होने सरबंधी खर्च शामल न। · अस्पताल च दाखल होने दे दरान ठैह्रने दी बवस्था। · अस्पताल च दाखल होने थमां पैह्ले दे ते बाद खर्चे। · ईलाज दरान पैदा होने आह्ली केई बी परेशानी। · परिवार दे सभनें सदस्यें आसेआ बरतेआ जाई सकदा ऐ। · परिवार दे अकार, बरेस जां लिंग पर कोई सीमा नेईं। · पैह्ले थमां मजूद बमारियां एह्दे च पैह्ले दिन थमां गै शामल। जोगता ग्राईं लाभार्थी · कच्ची कंध ते कच्ची छत्त कन्नै इक कमरे आह्ले। 16 थमां 59 दी बरेस दे दरम्यान दा कोई जुआन नेईं · ओह् परिवार जिं’दे च 16 थमां 59 ब’रे दी बरेस दा कोई जुआन पुरश सदस्य नेईं ऐ · दिव्यांग सदस्य ते कोई समर्थ जुआन नेईं ऐ। · एससी/एसटी परिवार · जिमीं रैह्त परिवार जिं’दी औंदन दा इक बड्डा हिस्सा कच्ची मजूरी थमां औंदा ऐ। शैह्री लाभार्थी हेठ दित्तियां जा करदियां 11 पेशेवर कोटियां योजना दियां पात्तर न:- · कुड़ा चुक्कने आह्ले · मंगते · घरेलू कम्म करने आह्ले · स्ट्रीट वेंडर/चमड़े दा कम्म करने आह्ले/ फेरी आह्ले/शिड़कें पर कम्म करने आह्ले सेवाकार · निर्माण कारजें च लग्गे दे मजूर/राज मिस्त्री/प्लंबर/मजूर/पेंटर/वैल्डर/सुरक्षा गार्ड/कुल्ली ते होर सिरै पर ढोने दा कम्म करने आह्ले · सफाई करने आह्ले/स्वच्छता कारजकर्ता/माली · घरेलू कम्म करने आह्ले/कारीगर/दस्तकार/दर्जी · ट्रांसपोर्ट मलाजम/ड्रैवर/कंडक्टर/ड्रैवर दे हैल्पर/रिक्शा चलाने आह्ले · दकानदार/स्हायक/लौह्के प्रतिश्ठान च स्हायक/बंडने आह्ले स्याहक/वेटर/अटैंडट · बिजली दा कम्म करने आह्ले/मकैनिक/असैंबलर/मरम्मत कारीगर · धोबी/चौकीदार दरखास्त कि’यां करचै गेड़- 1 पीएमजेएवाई योजना दी चेची वेबासाइट https://pmjay.gov.in/ पर जाओ ते ‘Am I Eligible’ आइकान पर क्लिक करो। गेड़- 2 अपना राबता ब्योरा भरो ते ओटीपी पैदा करो। गेड़- 3 अपना राज्य चुनो गेड़-4 हून, अपना नाऽ, मोबाइल नंबर, एचएचडी नंबर जां अपना राशन कार्ड नंबर तुप्पो। गेड़-5 रिजल्ट थमां पता लगदा ऐ जे क्या तुस PMJAY योजना लेई पात्तर हो। लोड़चदे दस्तावेज न:- · शिनाख्त पत्तर ते बरेस सार्टिफिकेट (अधार कार्ड/पैन कार्ड) · मोबाइल नंबर, ईमेल ते रिहाशी पता · कास्ट सार्टिफिकेट · इनकम सार्टिफिकेट · थुआढ़ी मजूदा परिवारक स्थिति दस्सने आह्ला दस्तावेज आयुश्मान भारत स्वर्ण कार्ड पीएमजेएवाई योजना दे राहें कैशलेस, पेपरलैस लैनदेन जकीनी करने लेई, लाभार्थियें गी आयुश्मान भारत योजना स्वर्ण कार्ड योजना जारी कीता जाह्ग। पीएमजेएवाई ई-कार्ड च रोगी दी सबूरी जरूरी जानकारी होंदी ऐ। एह् कार्ड जरूरी अस्पताल च ईलाज दा लाह् हासल करदे बेल्लै पेश करना जरूरी ऐ। आयुश्मान भारत अस्पताल लिस्ट जानने लेई दित्ती गेई प्रक्रिया दा पालन करो: गेड़-1 PMJAY (https://hospitals.pmjay.gov.in/Search/empnlWorkFlow.htm?actionFlag=ViewRegisteredHosptlsNew) दी अधिकारक वेबसाइट पर जाओ। गेड़- 2 अपना राज्य ते जि’ला चुनो गेड़-3 अस्पताल दी किस्म चुनो (सार्वजनक/निजी लाह् लेई/निजी ते लाह् लेई नेईं) गेड़- 4 डाक्टर खासयित चुनो गेड़- 5 कैप्चा कोड दर्ज करो ते तुप्पो पर क्लिक करो। PMJAY गोल्डन कार्ड लेई दरखास्त कि’यां करचै हेठ दित्ती गेई प्रक्रिया दा पालन करो: गेड़-1 PMJAY वेबसाइट (https://mera.pmjay.gov.in/search/login) पर जाओ ते अपने रजिस्टर्ड मोबाइल नंबर कन्नै लाग लऩ करो। गेड़-2 ओटीपी जनरेट करने लेई कैप्चा कोड दर्ज करो। गेड़-3 HHD कोड चुनो। गेड़-4 कामन सर्विस सेंचर (CSC) गी HHD कोड देओ, जित्थै ओह् HHD कोड ते होरनें ब्योरें दी जांच करग। गेड़- 5 आयुश्मान मित्तर दे नियुक्त सीएससी नुमायंदे बाकी दी प्रक्रिया पूरी करङन। गेड़-6 आयुश्मान भारत कार्ड हासल करने लेई तुसेंगी 30 रपेऽ दा भुगतान करना होग। होर मती जानकारी लेई https://mera.pmjay.gov.in/search/login पर जाओ राबता करो एह् योजना भारत सरकार आसेआ समाज दे गरीब ते बंचत तबकें लेई शुरू कीती गेई इक जोगता अधारत पैह्ल ऐ। एसलेई एह्दे च रजिस्ट्रेशन प्रक्रिया नेईं ऐ। लाभार्थियें दा चुनां SECC 2011 दे अधार पर कीता जंदा ऐ ते जेह्ड़ी RSBY योजना दा हिस्सा ऐ। PMJAY योजना लेई चेची सरकारी वेबसाइट https://pmjay.gov.in/ पर जाओ ते ‘Am I Eligible’ आइकान पर क्लिक करो। टोल-फ्री काल सेंटर नंबर- 14555/1800111565