भामाशाह् योजना उद्देश राजस्थान सरकार ने महिला सशक्तिकरण ते सरकारी योजनाएं दा लाह् सिद्धे ते पारदर्शी ढंगै कन्नै पजाने लेई 15 अगस्त 2014 थमां भामाशाह् योजना दी शुरूआत कीती। योजना च महिला गी परिवार दी मुखिया बनाइयै परिवार दे बैंक खाते च उं’दे नाऽ पर बैंक खाते खोले गे न। परिवार गी थ्होने आह्ले सारे सरकारी लाह् सरकार आसेआ इस्सै खाते च दित्ते जा करदे न। लाह् इक परिवार गी बक्ख-बक्ख सरकारी योजनाएं जि’यां- नरेगा, मातृत्व लाह्, राशन, पैंशन, बजीफा, मुफ्त डाक्टरी ईलाज लेई सेह्त कार्ड, उद्यमियें लेई लोन बगैरा भामाशाह् कार्ड होने कन्नै सब्भै नकद लाह् थ्होंदे न। परिवार दे बैंक खाते गी आमतौर पर जोगता हासल करने लेई प्रमुख रूप कन्नै महिला दे नाऽ कन्नै गै खोलेआ जंदा ऐ। जोगता · राजस्थान दा बसनीक होए। · बजीफा हासल करने लेई, कुड़ी दा सरकारी स्कूल ते कालेज च दाखला होना चाहिदा। राबता करो भामाशाह् कार्ड लेई राजस्थान सरकार पोर्टल दे राहें आनलाइन दरखास्त दित्ती जाई सकदी ऐ जां नेड़में ई-मित्तर केंदर पर जाइयै एह्दे लेई दरखास्त कीती जाई सकदी ऐ।