दस्तक अभियान फरवरी 2018 गी उत्तर प्रदेश दे मुक्खमंत्री योगी आदित्यराज ने पूर्वी उत्तर प्रदेश च फैले दे जापानी इन्सेफाइटिस जां दमागी बखार दी रोक ते ईलाज दे प्रति लोकें गी जागरत करने लेई दस्तक अभियान दी शुरूआत कीती ही। उद्देश एह् अभियान इसलेई चलाया जा करदा ऐ तां जे लोक कुसै बी चाल्ली थमां होने आह्ले बखार ते होरनें बमारियें च लापरवाही नेईं करी सकन। एह् लापरवाही दमागी बखार बी बनी सकदी ऐ। उत्तर प्रदेश मुक्खमंत्री आसेआ शुरू कीती गे इस अभियान दे अंतर्गत जि’ला सेह्त शिक्षा अधिकारियें गी द’ऊं ध्याड़े दी सखलाई दे कन्नै अभियान च इस्तेमाल कीती जानी आह्ली आडियो-विजुएल, रडियो मश्हूरी, दमागी बखार कन्नै सरबंधत सावधानियें दे उपाऽ दी समग्गरी ते साफ-सफाई किट ते होर केईं जानकारियां दित्तियां गेइयां न। स्लोगन दस्तक-दरवाजा खटखटाओ, दमागी बखार दूर हटाओ। अमलावरी इस अभियान दे तैह्त उत्तर प्रदेश दे पंज ब’रे थमां घट्ट बरेस दे सभनें बच्चें दी खून दी कमी जांच, छे म्हीने थमां पंज ब’रे तगर दे गंभोर कुपोशत बच्चें दी पंछान ते 9 म्हीनें थमां 5 ब’रे तगर दे बच्चें गी विटामिन ‘ए’ दा घोल दित्ता जंदा ऐ। इस अभियान दे तैह्त बच्चें च दस्त रोग, निमोनिया ते जमांदरू बमारियें कन्नै पीड़त बच्चें दी पंछान करियै उ’नेंगी मुफ्त जांच ते ईलाज ते ट्रांसपोर्ट स्हूलतां दित्तियां जाङन। इस अभियान दे अंतर्गत सेह्त, ग्रां बकास ते बुनियादी शिक्षा इक साथें रलियै कम्म करङन ते ईलाज ते बचाऽ दे गुर दस्सङन। इस अभियान दे अंतर्गत राज्य दे 28 प्रभावत जि’लें च रेडिये, टीवी ते अखबारें दे राहें दमागी बखार बमारी दे बारे च जागरती फलाई जाह्ग। राज्य दे सेह्त कारजकर्ता गोरखपुर ते बस्ती मंडल दे 7 प्रभावत जि’लें च घर-घर जाइयै दमागी बखार दा ईलाज ते बचाऽ दे तरीके दस्सङन। लाभार्थी सारे ग्राईं मुक्खतौर पर बच्चे लाह् इस अभियान दे तैह्त बच्चें च दस्त रोग, निमोनिया ते जमांदरू बमारियें कन्नै पीड़त बच्चें दी पंछान करियै उ’नेंगी मुफ्त जांच ते ईलाज ते ट्रांसपोर्ट स्हूलतां दित्तियां जाङन।