फलदार बूह्टा लाना योजना मुक्ख उद्देश प्रदेश दी जमीन, आबोहवा ते सिंचाई दी स्हूलत दी दस्तयाबी दे अधार पर एह् योजना प्रदेश च चलाई जा करदी ऐ। योजना च करसानें गी अंब, मरूद, संतरा, मौसंबी, सीताफल, बैर, चीकू ते अंगूर, टिशू कल्चर पद्धति कन्नै पैदा अनार, स्ट्राबेरी ते केला, संकर बीऽ कन्नै पैदा मुनगा ते पपीता ते बीऽ कन्नै पैदा नींबू दे उच्च ते बड़े घनेपन आहले ड्रिप सनें फलदार बूह्टा लाने पर करसानें गी यूनिट लागत दी 40 फीसद सब्सिडी 60:20:20 दी शरह् च त्र’ऊं ब’रें च दित्ती जंदी ऐ। योजना दे अंतर्गत हर करसान गी 0.25 थमां 4.00 हेक्टेयर तगर फलदार बूह्टा लाने पर सब्सिडी दित्ती जंदी ऐ। विभाग बागवानी ते खाद्य प्रसंस्करण विभाग लाह् हासल करने दी प्रक्रिया करसान हासलकर्ता दी तरजीह् फेरिस्त बागवानी अधीक्षक दफतर च हासल दरखास्त तरीक दे अनुसार बनाई जाह्ग। फेरिस्त बनाने दी स्हूलत लेई करसानें गी रजिस्टर च दरखास्त हासल होने दी तरीक दे अनुसार रजिस्टर्ड कीता जाह्ग। रजिस्टर दे अनुसार फेरिस्त तेयार करियै अनुमोदन लेई ग्रां सभा च पेश कीती जाह्ग। जोगता शर्तां 1. योजना दी अमलावरी करसान दी निजी जमीन च कीती जाह्ग। 2. हासलकर्ता कोल सिंचाई दे उचत साधन दस्तयाब होने चाहिदे। 3. हासलकर्ता करसान दी दिलचस्पी फलदार बूह्टे लाने च होनी चाहिदी।