अन्नापूर्ण भंडार योजना राजस्थान सरकार ने ग्राएं-ग्राएं तगर लोकें गी ब्रांडेड उत्पाद दस्तयाब करोआने लेई 31 अक्तूबर 2015 गी जयपुर जि’ले च भंभौरी ग्रां थमां अन्नपूर्ण भंडार योजना दी शुरूआता कीती। योजना च उचत मुल्ल दी दकानें गी अन्नपूर्ण भंडार दे रूप च विकसत कीता गेआ ऐ। ग्राएं च हून ब्रांडेड उत्पाद दस्तयाब न शैह्रें च थ्होने आह्ले ब्रांडेड उत्पाद अन्नपूर्णा भंडार दे राहें हून ग्राएं च बी दस्तयाब न। 45 किसम दे लगभग 350 थमां मते मेयारी मल्टीब्रांड उत्पाद हून इ’नें अन्नपूर्णा भंडारें च उचत कीमतें पर थ्होंदे न। रूरल माल दा सुखना पूरा होआ ग्राएं च बी ब्रांडेड उत्पाद दस्तयाब होने कन्नै खपतकारें दी जरूरत दा हर घरेलू समान घरै दे कोल गै दस्तयाब ऐ। हून अन्नपूर्ण भंडारें कन्नै रूरल माल दा सुखना पूरा होआ ऐ। डीलर लेई बाद्धू औंदन दा जरिया पैह्लें राशन डीलर सिर्फ खंड, कनक ते मिट्टी दा तेल गै बेचै करदे हे जेह्दे कन्नै उं’दी औंदन घट्ट होंदी ही। इ’नेंगी गुजर-बसर लेई होरनें स्रोतें पर मनहस्सर रौह्ना पौंदा हा। हून डीलर मतियां चीजां बेचदे न, मते दिनें तगर दकान खोलदे न। एह्दे कन्नै उ’नेंगी ग्रां च गै रुजगार दा जरिया दस्तयाब होई गेआ. उं’दी औंदन बी बधी गेई ते समाजक रुतबा बी बधी गेआ। एह्दे बारे च होर मता जानने लेई क्लिक करो। स्रोत : योजनाबंदी मैह्कमा, आर्थक ते सांख्यिक निदेशालय, राजस्थान सरकार