भामाशाह सेह्त बीमा योजना भामाशाह् सेह्त बीमा योजना दी शुरूआत 13 दसंबर 2015 च कीती गेई। योजना दे अंतर्गत जोगता हासल परिवारें गी नकदी रैह्त सेह्त स्हूलतां दस्तयाब करोआइयां जंदियां न। सराकरी अस्पतालें दे कन्नै-कन्नै चोनमें निजी अस्पतालें च बी एह् सेवां दस्तयाब करोआइयां जा करदियां न। राज्य दे लोकें दे सेह्त पर होने आह्ले खर्च गी घट्ट करना इस योजना दा उद्देश ऐ। योजना लेई जोगता राश्ट्री खाद्य सुरक्षा ते राश्ट्री सेह्त बीमा योजना च शामल परिवार इस योजना दे पात्तर न। योजना दा लाह् भामाशाह् सेह्त बीमा योजना च हर पात्तर परिवार गी हर ब’रे आम बमारियें लेई 30 ज्हार ते गंभीर बमारियें लेई 3 लक्ख रपेऽ दा सेह्त बीमा दस्तयाब करोआया जा करदा ऐ। अस्पताल च दाखल होने दे दरान होए दे खर्च दे अलावा दाखल होने दे 7 दिन पैह्लें थमां 15 दिन बाद तगर दा खर्च शामल कीता जंदा ऐ। इस योजना च 1401 बमारियें गी शामल कीता गेआ ऐ। इं’दे अलावा नेफ्रोलाजी, गेस्ट्रोलाजी, न्यूरोलाजी ते साइकियाट्री सनें 300 थमां मती स्पेशियलिटी ईलाज लेई पैकेज बी जोड़े जाङन। योजना दा लाह् हासल करना ऐ असान अस्पताल च दाखल होंदे बेल्लै उत्थै मजूद ‘सेह्त रैह्बर’ मरीज ते तमीरदारें दी मदद करदे न। योजना दा लाह् हासल करने लेई लाभार्थी गी अपना भामाशाह् कार्ड अस्पताल प्रशासन गी देना होंदा ऐ। ओह्दे बाद दी सारी प्रक्रिया दी जिम्मेदारी अस्पताल प्रशासन दी होंदी ऐ। योजना दी अमलावरी योजना दी कामयाब अमलावरी लेई काल सेंटर बनाया जा करदा ऐ। एह्दे अलावा मोबाइल ऐप राहें निगरानी दी बवस्था कीती गेई ऐ। न्यू इंडिया इंशोरेंस कंपनी कन्नै एह्दा करार कीता गेआ ऐ। स्रोत : योजनाबंदी मैह्कमा, आर्थक ते सांख्यिक निदेशालय, राजस्थान सरकार