अल्पसंख्यक समुदायें दे विद्यार्थियें लेई प्री-मैट्रिक बजीफा योजना अल्पसंख्यकें दी बेह्तरी लेई प्रधानमंत्री दा नमां 15 सूत्री प्रोग्राम जून 2006 च घोशत कीता गेआ हा। एह्दे च अल्पसंख्यक समुदायें दे हुश्यार विद्यार्थियें लेई प्री-मैट्रिक बजीफे दी इक योजना अमल च आह्नने दा प्रावधान ऐ। प्री-मैट्रिक स्तर पर बजीफा अल्पसंख्यक समुदाय दे माता-पिता गी स्कूल जाने आह्लें बच्चें गी स्कूल भेजने, स्कूली शिक्षा पर उं’दे माली भार गी घट्ट करने ते अपने बच्चें गी स्कूली शिक्षा पूरी करने लेई उं’दी कोशिशें गी बनाई रक्खने च हौसला-हफजाई करग। जोगता · अल्पसंख्यकें कन्नै सरबंधत- मुस्लमान, सिख, ईसाई, बौद्ध, जैन ते पारसी समुदाय · एह् बजीफा उ’नें विद्यार्थियें गी दित्ता जाह्ग, जि’नें पिछले मतेहानें च 50 फीसद थमां घट्ट नंबर हासल नेईं कीते दे होन · जिं’दे माता-पिता/सरप्रस्त दी सभनें जरियें थमां सलाना औंदन 1 लक्ख रपेऽ थमां मती नेईं होए। · रिहाशी सरकारी इदारें ते जोगता हासल निजी इदारें सनें सरकारी जां निजी स्कूलें च जमात पैह्ली थमां दसमीं तगर दी पढ़ाई करने आह्ले विद्यार्थियें गी बजीफा दित्ता जाह्ग। लाह् क्रम सं. मद्द होस्टल विद्यार्थी आम विद्यार्थी 1 6मीं थमां 10मीं जमातै लेई दाखला फीस असल जां 500 रपेऽ सलाना असल जां 500 रपेऽ सलाना 2 6मीं थमां 10मीं जमातै लेई ट्यूशन फीस असल जां 350 रपेऽ माह्बार असल जां 350 रपेऽ माह्बार 3 इक शैक्षिक जमात च सिर्फ 10 म्हीनें लेई गै सांभ-सम्हाल भत्ता दित्ता जाह्ग 1 थमां 5मीं जमात सिफर 100 रपेऽ माह्बार 6मीं थमां 10मीं जमात असल जां 600 रपेऽ माह्बार 1000 रपेऽ माह्बार होस्टल विद्यार्थी ओह् विद्यार्थी न जेह्ड़े सरबंधत स्कूल/इदारे दे होस्टल च जां जेह्ड़े राज्य/केंदर शासित प्रदेश खेत्तर आसेआ दित्ते गेई रिहाश च रौंह्दे होन। दरखास्त कि'यां करचै आनलाइन दरखास्त लेई नेशनल स्कालरशिप पोर्टल (NSP) दिक्खो।