बीड़ी/चलचित्तर/आईओएमसी/एलएसडीएम आश्रित मजूरें दी पढ़ाई लेई माली मदाद - प्री-मैट्रिक उद्देश इस योजना दा मुक्ख उद्देश एह् जकीनी करना ऐ जे कोई बी बच्चा कुसै बी खतरनाक खेत्तर च मजूर दे रूप च कम्म नेईं करै करदा होए। थ्होने आह्ले लाह् · पैह्ली थमां 5मीं जमातै दी कुड़ियें ते जागतें गी बर्दी, कताबां बगैरा खरीदने लेई 250 रपेऽ दी मदाद। · 5मीं थमां 8मीं जमातै दी कुड़ियें गी 940 रपेऽ ते जागतें गी 500 रपेऽ · 9मीं जमातै दी कुड़ियें गी 1140 रपेऽ ते जागतें गी 700 रपेऽ · 10मीं जमातै दी कुड़ियें गी 1840 रपेऽ ते जागतें गी 1400 रपेऽ थ्होङन। जोगता · दरखास्ती दा सरकारी/सरकारी मानता हासल स्कूल च पैह्ली थमां 10मीं जमातै च दाखला होना चाहिदा। · दरखास्ती दे माता-पिता घट्ट थमां घट्ट इक जां दोए पिछले छे म्हीनें च बीड़ी काम्मे, लौह् उद्योग, मैगनीज ते क्रोम अयस्क खान, चूना पत्थर ते डोलोमाइट माइंल (एलएसडीएण), फिल्में च मजूर दे रूप च कम्म करने आह्लें होन। · सभनें जरियें थमां मजूर दे परिवार दी कुल औंदन हेठ दित्ती गेई थमां मती नेईं होनी चाहिदी:- क. बीड़ी मजूर- 10,000 रपेऽ ख. खान मजूर i. दस्ती, ओभड़, बड़ा माहिर ते क्लर्की कम्म करने आह्ले खान बक्ख-बक्ख कल्याणकारी योजनाएं दे तैह्त सभनें स्हूलतें दा लाह् हासल करने लेई हकदार न। श्रम कल्याण संगठन आसेआ उ’नेंगी दित्ती गेई तनखाह् दे बावजूद ii. निगरानी ते प्रबंधकी समर्था च लग्गे दे माह्नू बक्ख-बक्ख कल्याणकारी योजनाएं दे तैह्त स्हूलतें दा लाह् हासल करने दी जोगता रखदे न जेकर उसी थ्होने आह्ली मजूरी 10,000 रपेऽ माह्बार होए। ग. फिल्में च ध्याड़ीदार – इस ऐक्ट च योजना दा लाह् हासल करने लेई फिल्म ध्याड़ीदारें गी मेहनतानें दे रूप च हर म्हीने थ्होने आह्ली रकम 8000 रपेऽ थमां मती नेईं होए ते ऐसी रकम 1, 00,000 रपेऽ थमां मती नेईं होए भाएं उस रकम दा भुगातन इकमुश्त जां किश्तें दे राहें कीता गेआ होए। दरखास्त कि'यां करचै दरखास्त लेई दिक्खो- बीड़ी/चलचित्तर/आईओएमसी/एलएसडीएम आश्रित मजूरें दी पढ़ाई लेई माली मदाद - प्री-मैट्रिक राबता करो समाज कल्याण निदेशालय।