मक्सदु हिन योजना जो मक्सदु कुटुंब ऐं समाज में न्याण्युनी जो दर्जो वधाइणु ऐं खेनि निपाइण में माणहुनि जी सोच मटाइणु आहे ऐं न्याणयुनि खे जनम ऐं जीअण जो हक़ु डि॒यारणु आहे. योजना तहत माली मदद हिन योजना तहत हरियाणा जे उन्हानि सभिनी अनुसूचित जातयुनि ऐं ग़रीबी लीक खां हेठि (BPL) वारनि कुटुंबनि खे ₹ २१००० जो हिकु दफो अनुदान मिलंदो आहे जिनि में पहिरीं धीअ २२ जनवरी २०१५ ते या उन पोइ जा॒ई आहे. ₹ २१००० जो हिकु दफो अनुदान उन्हानि सभिनी कुटुंबनि खे जाति, धर्म, उपति यां पुटनि जे अदद खे बिना ख्याल में रखी डि॒नो वेंदो आहे जिनि में ॿीं धीअ २२ जनवरी २०१५ ते या उन खां पोइ जा॒ई आहे. इह रक़म उन न्याणीअ जे नाले लाइफ इन्शुरेन्स कॉर्पोरेशन (LIC) में सीड़ाई वेंदी आहे ऐं हुनखे १८ साल उमिरि पूरे करण खां पोइ डि॒नी वेंदी आहे. उन्हानि सभिनी कुटुंबनि खे जिनि में ॿीं धीअ २१ जनवरी २०१५ ते या उन खां अॻु ॼाई आहे उनहनि खे संदनि जाति, धर्म, उपति या पुटनि जे अदद खे ख्याल में न रखी हर साल ₹ ५०००, ५ सालनि ताईं मिलंदा. २१ जनवरी २०१५ ते या उन खां अॻु जाड़ियुनि धीउन या वधीक धीउन जे ॼमण ते उनहनि खे संदनि जाति, धर्म, उपति या पुटनि जे अदद खे ख्याल में न रखी हर साल रु हर धीअ लाइ ₹ २५००, ५ सालनि ताईं मिलंदा. जाड़ियुनि धीउन जे ॼमण ते मदद तुर्त शुरू थी वेंदी पहिरियों हफ्तों ॿीं धीअ जे ॼमण जे हिक महीने अंदर डि॒नो वेंदो. रहयल हफ्ता हर साल ॿीं धीअ जे जनम ॾीऺहं ते डि॒ना वेंदा. कंहिं बी धीअ जे मौत जी हालति में मदद तुर्त बंद थी वेंदी. पर उहा ॿी धीअ जे ॼमण ते उन तारीख़ खां शुरू करे सघबी जितां खां बंद थी हुई. कुल रहयल रक़म ॿीं धीअ जे १८ साल उमिरि थियण ते डि॒नी वेंदी. घुर्बल लियाक़त माउ-पीउ हरियाणा जा रहिवासी हुजन. ॿिन्हिनि मां घटि में घटि में हिकु धीउ सां गॾु हरियाणा में रहंदड़ु हुजे. माउ जे पेट सां थियण ते वेझे आंगनवाड़ी मरकज़ ते दाख़ला कराइणी आहे. धीउ जे जनम जी दाख़ला कराइणी आहे. धीउ खे सही तरीक़े टुका लॻराइणा आहिन. ऐं टुका लॻाइण जी दाख़ला ( धीउ जी उमिर मूजिब) हर रक़म वठण वक़्त पेशु कजे. धीउन खे उमिर मूजिब स्कूल / आंगनवाड़ी में दाख़िल कराइजे. योजना जो कार्यखेत्र योजना हरियाणा राज्य जे ॻोठाणे तोड़े शहरी एराज़ियुनि में लाॻू आहे. फायदों हासिल करण लाइ अर्जु योजना तहत फायदों हासिल करण लाइ माउ/पीउ/ माइट खे डि॒नल प्रोफोर्मा मूजिब अर्जु करणो पवंदो. इन लाइ अर्जु आंगनवाड़ी मरकज़ या ॿार वाधारो प्रोजेक्ट ऑफिसर्स जी ऑफिस में ॻोठाणे तोड़े शहरी एराज़ियुनि में मुफ्त में मिलंदो. जिते ICDS योजना वजूद में न आहे उते अर्ज जा फॉर्म सिविल सर्जन जी ऑफिस में मिलंदा. भर्यल अर्ज आंगनबाड़ी कार्यकर्ताउन ऐं इलाक़े जे सिहत ऑफिसर वटि जमा कराइणा आहिनि. अर्जदार खे अर्ज सां गॾु ॿीं धीअ जे जनम दाख़िला जी प्रमाणित कॉपी बि जमा कराइणी पवंदी जेका लाइक पदाधिकारी द्वारा जारी कयल हुजे. वसीलो: औरत ऐं ॿार वाधारो विभाग, हरियाणा।