আপকি বেটি হমারি বেটি স্কিম অসিগী পান্দমদি ইমুংদা অমসুং খুন্নাইদা অঙাং নুপীমচাগী থাক হেনগৎহনবা অমসুং অঙাং নুপীমচাশিংবু মওং-মতৌ চুম্না নাওয়োক-নাওকোন্নবগীদমক্তা মীশিংগী ৱাখল্লোন হোংদোকপা অমসুং মখোয়বু পোকপগী হক অমসুং হিংবগী হক ফংহনবা হায়বসিনি। স্কিম অসিগী মখাদা পীরিবা শেলগী তেঙবাং স্কিম অসিনা হরয়ানাদা লৈবা, মখোয়গী অহানবা মচানুপী অদু জানুৱারি 22, 2015 দা নত্ত্রগা মসিগী মমাংদা পোকখিবা সেদ্যুল্ড কাষ্ট অমসুং বিলো পোবর্টি লাইন (বি.পি.এল)গী ইমুং পুম্নমক্তা লুপা 21,000 গী অমুক্কী ওইবা গ্রান্ট পীগনি। মখোয়গী অনিশুবা মচানুপী অদু জানুৱারিগী তাং 22, 2015 দা নত্ত্রগা মসিগী মমাংদা পোকখিবা মমা-মপাশিংদা, মখোয়গী জাৎ-বিজাতি, লাইনিং, আয় অমসুং মচানুপাগী খেৎনবা লৈতনা, লুপা 21,000/- গী অমুক্কী ওইবা গ্রান্ট পীগনি। শেনফম অসি অঙাং নুপীমচাদুগী মমিংদা লাইফ ইন্সুরেন্স কোর্পোরেসন ওফ ইন্দিয়া (LIC) দা ইনভেষ্ট তৌগনি অমসুং নুপীমচাদুনা মশাগী চহি 18 শুরবকান্দা মঙোন্দা পীথোক্কনি। অনিশুবা অঙাং নুপীমচা অদুনা জানুৱারি 21, 2015 দা নত্ত্রগা মসিগী মমাংদা পোকখিবা ইমুং পুম্নমক্তা, মখোয়গী জাৎ-বিজাতি, লাইনিং, আয় অমসুং মচানুপাগী খেৎনবা লৈতনা, চহি মঙাগী ওইনা চহিদা লুপা 5,000 ফংগনি। জানুৱারি 21, 2015 দা নত্ত্রগা মসিগী মমাংদা অঙাং নুপীমচা ফাইবোক নত্ত্রগা মল্টিপল ওইনা পোকখিবা ইমুংশিংদা, মখোয়গী জাৎ-বিজাতি, লাইনিং, আয় অমসুং মচানুপাগী খেৎনবা লৈতনা, চহিদা অঙাং নুপীমচা অমদা লুপা 2,500 গী চাংদা চহি মঙা চুপ্না পীগনি। করিগুম্বা অঙাং নুপীমচাদুনা ফাইবোক ওইরবদি ইন্সেন্টিব অদু খুদক্তা পীবা হৌগনি। অহানবা ইনষ্টোলমেন্ট অদু অনিশুবা অঙাং নুপীমচা অদু পোকপা থা অমগী মনুংদা পীগনি। মতুংদা পীগদবা ইনষ্টোলমেন্টশিং অদু চহি খুদিংগী, অনিশুবা অঙাং নুপীমচাদগী মপোক নুমিত্তা পীগনি। লাইবকথিবদগী করিগুম্বা অঙাং নুপীমচাশিংদুগী মনুংদগী অমা লৈখিদবা থোক্লবদি, ইন্সেন্টিব অসি খুদক্তা লেপকনি। অদুমওইনমক, মসি অতোপ্পা অঙাং নুপীমচা অমা পোক্লকপা মতমদা তোকখিবা মতমদুদগী হৌদুনা অমুকহন্না ফংবা য়াগনি। অপুনবা শেনফম অদু অনিশুবা অঙাং নুপীমচা অদুনা মশাগী চহি 18 শুরবা মতমদা পীথোক্কনি। ইলিজিবিলিটি ক্রাইটেরিয়া মমা-মপা অদু হরয়ানাদা তংতানা খুন্দাবা মীওই ওইগদবনি। য়ামদ্রবদা মমা অমসুং মপাগী মনুংদগী অমদি অঙাং নুপীমচাশিংদুগা হরয়ানাদা য়ুম্লিংদুনা লৈবা ওইগদবনি। মীরোনবী নুপীশিংবু খ্বাইদগী অনকপা আঙ্গনৱাদি সেন্টরদা রেজিষ্টর তৌগদবনি। অঙাং নুপীমচাশিংদু পোকপগী রেজিষ্টর তৌগদবনি। মমা-মপাশিংনা অঙাং নুপীমচাশিংবু মতম চানা টিকা থাদোক্কদবনি অমসুং পেমেন্ট ফংবা মতম খুদিংদা ইমুনাইজেসন রেকোর্দ (নুপীমচাশিংদুগী মশাগী চহি মতুংইন্না) পুথোকপা য়াই। নুপীমচাশিংনা মখোয়গী মশাগী চহিগী মতুংইন্না স্কুল/আঙ্গনৱাদি সেন্টরদা মীং চনগদবনি। স্কিমগী চৎনগদবা মফম স্কিম অসি হরয়ানাগী ষ্টেট অপুনবদা লৈরিবা রুরেল অমসুং অরবানগী মফম অনিমক্তা পাইখৎকনি। বেনিফিট ফংনবগীদমক্তা এপ্লিকেসন পীশিনবা স্কিম অসিগী মখাদা কান্নবা লৌনবগীদমক্তা, মমা/মপা/গার্জিয়ান্না প্রেস্ক্রাইব তৌরবা প্রোফোর্মাদা এপ্লাই তৌবা তাই। আঙ্গনৱাদি সেন্টরশিংদা নত্ত্রগা রুরেল অমসুং অরবান এরিয়াশিংদা লৈরিবা চাইল্ড দিভেলপমেন্ট প্রোজেক্ট ওফিসরশিংগী ওফিসশিংদা এপ্লিকেসন ফোর্ম অসি মমল তিংদনা ফংগনি অমদি আই.সি.দি.এস স্কিম লৈতবা অরবান এরিয়াশিংদদি, এপ্লিকেসন ফোর্মশিং অসি সিভিল সর্জনশিংগী ওফিসশিংদা ফংগনি। মওং চুম্না মেন্সিল্লবা এপ্লিকেসন ফোর্মশিং অদু মরি লৈনবা মফমদুগী আঙ্গনৱাদি ৱাৰ্করশিং নত্ত্রগা হেল্ঠ ষ্টাফশিংদা পীশিনগদবনি। এপ্লিকান্ট অদুনা এপ্লিকেসন অদুগা লোয়ননা মরি লৈনবা ওঠোরিটিনা পীবা অনিশুবা অঙাং নুপীমচা অদুগী বর্থ সর্টিফিকেটকী সর্টিফাই তৌরবা কোপি অমা পীশিনবা তাই। সোর্স : ৱুমেন এন্ড চাইল্ড দিভেলপমেন্ট দিপাৰ্টমেন্ট, হারয়ানা