পি কেয়র্স ফোর চিল্দ্রেন স্কিম অসি মে 29, 2021 দা হৌদোকখি। মার্চ 11, 2020 দগী ফেব্রুৱারী 28, 2022 ফাউবগী মনুংদা কোবিদ-19 লাইচৎনা মরম ওইদুনা মমা-মপা অনিমক নত্ত্রগা লিগেল গার্দিয়ান নত্ত্রগা য়োকপীরিবা মমা-মপা নত্ত্রগা হিংহৌরিবা মমা-মপা (Surviving Parent) লৈখিদ্রবা অঙাংশিংবু ঙাক্লৌ পীনবা পান্দম থম্লি। স্কিম অসিগী পান্দমদি কোন্নজবা (সষ্টেন) ওইবা মওং অমদা অঙাংশিংগী কম্প্রিহেন্সিব কেয়র অমদি প্রোটেক্সন শোয়দনা ফংহনবা, অমদি হেল্ঠ ইন্সুরেন্সকী খুত্থাংদা মখোয়বু মশা-মউ ফনা থম্বা ঙমহনবা, মহৈ-মশিনগী খুত্থাংদা মখোয়বু মপাঙ্গল হাপ্পা অমসুং মশাগী চহি 23 শুরকপদা শেল-থুমগী মতেং পীদুনা মশানা কোন্ননা হিংজবা লৈহনবা হায়বসিনা স্কিম অসিগী পান্দম্নি। ইলিজিবিলিটি কোবিদ 19 না মরম ওইদুনা মমা-মপা অনিমক নত্ত্রগা হিংহৌরিবা মমা-মপা নত্ত্রগা লিগেল গার্দিয়ান/এদোপ্টিব পেরেন্ট লৈখিদ্রবা অঙাং পুম্নমক ‘পিএম-কেয়র্স ফোর চিল্দ্রেন’ গী মখাদা তেঙবাং পীগনি। অঙাংশিংদা পীগদবা কান্নবশিং 1. অঙাং অদুগী মমিংদা ফিক্স দিপোজিট তৌগনি: পিএম কেয়র্সনা অখন্ননা দিজাইন তৌরবা স্কিম অমগী খুত্থাংদা অঙাং অমমম্না মহাক্না মশাগী চহি 18 শুরকপা মতমদা লুপা লাখ 10 গী কোর্পস অমা শেম্ননবগীদমক্তা কন্ত্রিব্যুট তৌই। কোর্পস অসি: অৱাংবা থাক্কী মহৈ-মশিন তম্লিঙৈ মতমদা মহাক মশাগী ওইবা মথৌ তাবশিংদা শিজিন্ননবগীদমক্তা মশাগী চহি 18 শুবদগী হৌদুনা মথংগী চহি মঙা ফাউবা থাগী ওইবা শেলগী তেঙবাং/ষ্টাইপেন্দ অমা পীবদা শিজিন্নগনি, অমদিমশাগী চহি 23 শুবদা, মহাক্না মশাগী নত্ত্রগা শিনফমগী ওইনা শিজিন্ননবগীদমক্তা লম্প-সম অমা ওইনা কোর্পস শেনফম অমা ফংগনি।2. স্কুল এজুকেসন: মশাগী চহি 10 গী মখাদা লৈবা অঙাংশিংগীদমক্তা পীগনি অঙাং অদুবু দে স্কোলর অমা ওইনা খ্বাইদগী মনাক নকপা কেন্দ্রিয় বিদ্যালয়া নত্ত্রগা প্রাইভেট স্কুল অমদা মিংচনবীগনি।করিগুম্বা অঙাং অদু প্রাইভেট স্কুল অমদা মিংচল্লবদি, আর টি ই নোর্মশিংগী মখাদা পিএম কেয়র্সতগী ফী পীগনি।পিএম-কেয়র্সনা য়ুনিফোর্ম, টেক্স বুকশিং অমসুং নোটবুকশিংগী অচংবা শেনফমসু পুথোক্কনি।3. স্কুল এজুকেসন: মশাগী চহি 11-18 ফাউবগী অঙাংশিংগীদমক্তা পীগনি: অঙাং অদুবু সাইনিক স্কুল, নবোদয়া বিদ্যালয়া অসিনচিংবা সেন্ত্রেল গবর্ণমেন্টকী রেসিদেন্সিএল স্কুলশিংদা মিংচনবীগনি।করিগুম্বা অঙাং অদু গার্দিয়ান/ গ্রান্দপেরেন্টশিং/ এক্সটেন্দেদ ফেমিলিগী মখাদা মখাতানা লৈবা তারবদি, দে স্কোলর অমা ওইনা মহাকপু খ্বাইদগী মনাক নকপা কেন্দ্রিয় বিদ্যালয়া নত্ত্রগা প্রাইভেট স্কুল অমদা মিংচনবীগনি।করিগুম্বা অঙাং অদু প্রাইভেট স্কুল অমদা মিংচল্লবদি, আর টি ই নোর্মশিংগী মখাদা পিএম কেয়র্সতগী ফী পীগনি।পিএম-কেয়র্সনা য়ুনিফোর্ম, টেক্স বুকশিং অমসুং নোটবুকশিংগী অচংবা শেনফমসু পুথোক্কনি।4. অৱাংবা থাক্কী মহৈ-মশিন তম্নবগীদমক্তা মতেং পীগনি: হৌজিক চৎনরিবা এজুকেসন লোন নোর্মশিংগী মতুংইন্না ইন্দিয়াদা প্রোফেসনেল কোর্সশিং/হায়র এজুকেসন তমথনবগীদমক্তা অঙাং অদুনা এজুকেসন লোন লৌবদা মতেং পাংগনি। লোন অসিগী শেন্দোই অদু পিএম কেয়র্সনা পুথোক্কনি।মসি নত্তবা অতোপ্পা লম্বী অমা ওইনা, সেন্ত্রেল নত্ত্রগা ষ্টেট গবর্ণমেন্ট স্কিমশিংগী মখাদা অসিগুম্বা অঙাংশিংদা গবর্ণমেন্ট নোর্মশিংগী মতুংইন্না চৎনরিবা অন্দরগ্রেজুএট/ ভোকেসনেল কোর্সশিংগী টুইসন ফী/ কোর্স ফীগা মান্নবা স্কোলরশিপ অমা পীগনি। হৌজিক চৎনরিবা স্কোলরশিপ স্কিমশিংগী মকাদা ইলিজিবল ওইদবা অঙাংশিংগী ওইনদি, পিএম কেয়র্সনা মসিগা মান্নবা স্কোলরশিপ অমা পীগনি। 5. হেল্ঠ ইন্সুরেন্স অঙাং পুম্নমকপু লুপা লাখ 5 গী ওইবা হেল্ঠ ইন্সুরেন্স অমগা লোয়ননা আয়ুশমান ভারত স্কিম (পিএম-জেএৱাই) গী মখাদা বেনিফিসরি অমা ওইনা হাপকনি।অঙাংশিং অসিনা মশাগী চহি 18 য়ৌদ্রিফাউবগী প্রিমিয়মগী শেনফম অদু পিএম কেয়র্সনা পীগনি। কমদৌনা এপ্লাই তৌগদগে ওনলাইন এপ্লিকেসনগীদমক্তা, চংবীয়ু https://pmcaresforchildren.in/ সোর্স : https://pmcaresforchildren.in/