গ্রাম উজালা হায়বসি পু-থাংবা ঙমগদবা মমলদা এল.ই.দিশিংবু ভারতকী খুঙ্গংলমদা ফংহন্নবগীদমক্তা মিনিষ্ট্রি ওফ পাৱরনা পাইখৎপা প্রোগ্রাম অমনি। স্কিম অসি থোইদোক-হেন্দোক্না অমদি ইনোবেটিব ওইবা মওংদা কার্বোন ফাইনান্সখক্তদা য়ুম্ফম ওই অমদি মার্চ 31, 2022 ফাউবা ভেলিদ ওই। কান্নবশিং মথৌ তৌরিবা অরিবা ইনকান্দিসেন্ট লেম্পশিংগী মহুত্তা এল.ই.দিশিং অসি য়ুমথোং অমমমগী ওইনা লুপা 10 খক্তদা ফংহনগনি। য়ুমথোং অমমম্না এল.ই.দি 5 ফাউবা ফংগনি। খুঙ্গংগী য়ুমথোংশিং অসিনা মখোয়গী য়ুমশিংদা শিজিন্নবগী চাং খঙনবগীদমক্তা মিটর হাপ্পসু য়াই। ভারতকী ক্লাইমেট চেঞ্জদা পীবা ঈথিল – করিগুম্বা ভারত্তা লৈরিবা লাইট মিলিয়ন 300 অসি শিন্দোক্লবদি, চহি অমদা kWh মিলিয়ন 40,743 গী অপুনবা এনর্জি সেভিংস লৈগনি, চহিদা 22,743MWগী পীক দিমান্দ লৈহন্দবা ঙমগনি অমদি চহিদা মিলিয়ন টোন 37 কী CO2 হন্থহনবা ঙমগনি। স্কিমগী শম্লপ্পা মরোল প্রোগ্রাম অসিগী মখাদা, মথৌ তৌরিবা ইনকান্দিসেন্ট বল্বশিংগী মহুত্তা চহি 3 গী ৱারেন্টি য়াউরবা ৱাট 7 অমদি ৱাট 12 কী এল.ই.দি বল্বশিং খুঙ্গংগী কন্সুমরশিংদা পীগনি। কোন্সিনগদবা মফমশিং : প্রোগ্রাম অসিগী অহানবা ফেজদা, বিহার, উত্তর প্রদেশ, অন্ধ্র প্রদেশ, করনাটকা অমদি টেলঙ্গানাগী খুঙ্গংশিংদা এল.ই.দি বল্ব মিলিয়ন 10 য়েন্থোক্কনি। মসিগী মখা তারকপদা, শাইন প্রোগ্রাম ওফ এক্টিভিটিজগী মনুং চলহন্নবগীদমক্তা য়ু.এন এক্রেদিটেদ ভেলিদেটরশিংদা কার্বোন ক্রেদিট দোক্যুমেন্টেসন থাগনি। লৈরিবা মীওইশিংগী মথৌ তাবগী মখাপোন্না, ভলুন্টরি কার্বোন ষ্টেন্দর্দকী মখাদা ভেরিফাই তৌনবগী ওপসন অমগা লোয়ননা, শাইন প্রোগ্রাম ওফ এক্টিভিটিজগী মখাদা কার্বোন ক্রেদিটশিং শেম-শাগনি। কার্বোন ক্রেদিট বায়রশিং অসি মার্কেটকা লোয়নবা অহৌবগী দিসকসনশিংদা য়ুম্ফম ওইবা ওপন প্রোসেস অমগী খুত্থাংদা লৌগনি। এল.ই.দি কোষ্টকী বেলেঞ্চ কোষ্ট অমদি মার্জিন অসি ফংলিবা কার্বোন ক্রেদিটশিংগী খুত্থাংদা শেল হঞ্জিনগনি। ইমপ্লিমেন্টেসন এজেন্সি – মিনিষ্ট্রি ওফ পাৱরগী মখাদা পি.এস.য়ু অমা ওইরিবা এনর্জি ইফিসিএন্সি সর্ভিসেস লিমিটেদ (ই ই এস এল)না মপুংফানা মপু ওইরিবা সবসিদিয়ারি, কনভর্জেন্স এনর্জি সর্ভিসেস লিমিটেদ (সি ই এস এল)না ইমপ্লিমেন্ট তৌগনি। গ্রাম উজালা প্রোগ্রাম অসিনা চহিদা মিলিয়ন KWh 2025 গী এনর্জি সেভিংস অমদি চহিদা CO2 মিলিয়ন টন 1.65গী CO2 হন্থহন্দুনা ভারতকী ক্লাইমেট চেঞ্জ এক্সন্দা মশক তোকপা ঈথিল অমা পীগনি। প্রোগ্রাম অসিনা বল্ব অমদা লুপা 10 গী এফোর্দেবল প্রাইস অমদা হেন্না ফবা মঙাল ফংবা ঙমহনগনি। মসিনা হেন্নবা ফগৎপা পুন্সিগী থাক, ফাইনান্সিএল সেভিংস, অহেনবা ইকনোমিক এক্টিভিটি, রুরেল সিটিজেনশিংগী ওইবা অহেনবা সেফটি লৈহনগনি অমদি সষ্টেনেবল ওইবা তুংলমচৎ অমা ফংবদা মতেং ওইগনি।