পান্দমগী অশম্বা ৱারোল ইনকম নেম্বা ইমুংশিংদগী লাকপা মেরিটোরিয়স ষ্টুদেন্টশিংদা, মখোয়না অৱাংবা মহৈ-মশিন তম্বা মতমদা মখোয়গী নুংতিগী ওইবা খরচশিংগী শরুক খরদং মেনখৎপা ঙম্নবগীদমক্তা শেলগী তেঙবাং পীবনা স্কিম অসিগী পান্দমনি। কান্নবশিং স্কোলরশিপশিং অসি সিনিয়র সেকেন্দরি ইগজামিনেসনগী ফলদা য়ুম্ফম ওইদুনা পী। কোলেজ অমসুং য়ুনিভর্সিটিশিংদা গ্রেজুএট/ পোষ্টগ্রেজুএট তম্নবা অমদি মেদিকেল, এঞ্জিনিয়রিং, অসিনচিংবা প্রোফেসনেল কোর্সশিং তম্নবগীদমক্তা, চহিদা ফ্রেশ স্কোলরশিপ 82000 (নুপামচাশিংগী ওইনা অমদি নুপীমচাশিংগী ওইনা 41000) অসি পীরি। স্কোলরশিপকী শেনফম অসি কোলেজ অমসুং য়ুনিভর্সিটিগী অহানবা চহি অহুমগী ওইবা গ্রেজুএসনগী থাক্কী ওইনা চহিদা লুপা 10000/- অমসুং পোষ্টগ্রেজুএসন থাক্কী ওইনা চহিদা লুপা 20000/- পী। করিগুম্বা মহৈরোইশিং অদু চহি মঙাগী ওইবা প্রোফেসনেল/ ইন্টিগ্রেটেদ কোর্স তম্লিবা ওইরবদি, 4শুবা অমসুং 5শুবা চহিদা মখোয়দা চহিগী ওইনা লুপা 20,000 পীগনি। অদুমওইনমক, বি.টেক, বি.এঞ্জিনিয়রিংগুম্বা টেক্নিকেল কোর্সশিং তম্লিবা মহৈরোইগীদি স্কোলরশিপ অসি গ্রেজুএসনগী থাক ফাউবা ফংগনি। ইলিজিবিলিটি মরি লৈনবা ইগজামিনেসন বোর্দতগী 10+2 পেটর্নগী ক্লাস XII নত্ত্রগা মসিগা মান্নবা থাক্তা 80%গী মথক্তা ফংদুনা মায়পাক্লকপা মহৈরোইশিংনা ইলিজিবল ওইগনি। ওল ইন্দিয়া কাউন্সিল ওফ টেক্নিকেল এজুকেসন, য়ু.জি.সি এক্ট, 1956, মেদিকেল কাউন্সিল ওফ ইন্দিয়া, দেন্টেল কাউন্সিল ওফ ইন্দিয়া অমসুং মরি লৈনবা রেগ্যুলেটরি ওথোরিটিনা মশক খঙলবা কোলেজ/ইনষ্টিট্যুসনশিংদা রেগ্যুলর কোর্সশিংদা (করেস্পোন্দেন্স নত্ত্রগা দিষ্টেন্স মোদ নত্তবা) তম্লিবা মহৌরোইশিং ইলিজিবল ওইগনি। ষ্টেটনা পীবা স্কোলরশিপ স্কিমশিং/ফি ৱেবর অমসুং রিইম্বর্সমেন্ট স্কিম য়াউনা অতৈ অতোপ্পা স্কোলরশিপ অমত্তগী কান্নবা ফংদ্রিবা মহৈরোইশিং স্কিম অসিগী মখাদা ইলিজিবল ওইগনি। দিপ্লোমা কোর্স তম্লিবা মহৈরোইশিংদি স্কিম অসিগী মখাদা ইলিজিবল ওইরোই। স্কিম অসিগী মখাদা কেটেগোরি পুম্নমক্কী ওইনা, মমা-মপাগী/ইমুংগী ওইবা ইনকম সিলিং অসি চহিদা লুপা লাখ 8 ওইগনি। কমদৌনা এপ্লাই তৌগদগে National Scholarship Portal গী খুত্থাংদা এপ্লিকেসন থাজিনবা য়াই। কনাদা কন্টেক্ট তৌগদগে দিপার্টমেন্ট ওফ হায়র এজুকেসন্দা এপ্লাই তৌবা য়াই। অহেনবা ঈ-পাউগীদমক্তা, মফমসিদা ক্লিক তৌবীয়ু