নেসনেল মিসন ওন এদিবল ওইল্স – ওইল পাল্ম (এন.এম.ই.ও-ও.পি) হায়বসি ওইলসীদশিং অমদি ওইল পাল্মগী হেনগৎলক্লিবা এরিয়া অমদি প্রদক্টিভিটিদা মীৎয়েং থম্বগা লোয়ননা অৱাং-নোংপোক লমদম অমদি অন্দমান অমসুং নিকোবার আইলেন্দা অখন্নবা মীৎয়েং অমগা লোয়নবা অনৌবা সেন্ত্রেল্লি স্পোন্সর্দ স্কিম অমনি। স্কিমগী আউটলে স্কিম অসিগীদমক্তা লুপা ক্রোর 11,040 গী ফাইনান্সিএল আউটলে অমা শেম্লে, অমদি মসিগী মনুংদগী লুপা ক্রোর 8,844 না গবর্ণমেন্ট ওফ ইন্দিয়াগী শেয়রনি অমদি লুপা ক্রোর 2,196 না ষ্টেটকী শেয়রনি অমদি মসিগী মনুংদা ভাইএবিলিটি গেপ ফন্দিংসু য়াউরি। হৌজিক লৈরিবা নেসনেল ফুদ সিক্যুরিটি মিসন-ওইল পাল্ম প্রোগ্রাম অসি প্রোপোজ তৌরিবা স্কিম অসিগী মনুং চনগনি। স্কিমগী আউটকমশিং স্কিম অসিগী মখাদা, ইং 2025-26 ফাউবদা ওইল পাল্মগীদমক্তা হেক্টর লাখ 6.5 গী অহেনবা এরিয়া অমা কোন্সিন্দুনা হেক্টর লাখ 10 গী টার্গেট অদু ফংনবা প্রষ্টাব তৌরি। ইং 2025-26 ফাউবগী মনুংদা ক্রুদ পাল্ম ওইল (সি.পি.ও)গী পোত্থোক অসি টোন লাখ 11.20 ফাউবা অমদি ইং 2029-30 ফাউবদা টোন লাখ 28 ফাউবা য়ৌগনি হায়বগী থাজবা থম্লি। স্কিমগী কম্পোনেন্টশিং স্কিম অসিগী মরুওইবা মীৎয়েং থম্লিবা এরিয়া অনি লৈ। প্রাইস এসুরেন্স ইন্দষ্ট্রিনা শুংদোক্তুনা ওইল ফংফম ওইরিবা ফ্রেশ ফ্রুট বঞ্চশিং (এফ.এফ.বিশিং) অসি ওইল পাল্ম ফার্মরশিংনা পুথোকই। হৌজিক্কী ওইনা এফ.এফ.বিশিং অসিগী মমলশিং অসি মালেমগী ওইবা সি.পি.ও প্রাইসশিংগী অকা-অকুমগা মরি লৈনৈ। অহানবা ওইনা, গবর্ণমেন্ট ওফ ইন্দিয়ানা এফ.এফ.বিশিংগীদমক্তা ওইল পাল্ম ফার্মরশিংদা প্রাইস এসুরেন্স অমা পীগনি। মসিবু ভাইএবিলিটি প্রাইস (ভি.পি) হায়না খঙনগনি। মসিনা ফার্মরশিংবু মালেমগী সি.পি.ও প্রাইসশিংগী অকা-অকুম তৌবদগী ঙাকথোক্কনি অমদি ভোলেটিলিটিদগী মখোয়বু ঙাকথোক্কনি। ভি.পি অসি হোলসেল প্রাইস ইন্দেক্সকা এদজষ্ট তৌনখিবা 14.3% না মল্টিপ্লাই তৌগদবা মমাঙগী চহি 5 দা লৈখিবা চহিগী এভরেজ সি.পি.ও প্রাইস অদুনি। মসি নবেম্বর 1 দগী ওক্টোবরগী 31 ফাউবদা ওইল পাল্ম ইয়ারগী ওইনা চহিগী ওইনা ফিক্স তৌগনি। এসুরেন্স অসিনা ভারতকী ওইল পাল্ম ফার্মরশিংবু এরিয়া হেনগৎপদা থাজবা থমহন্দুনা পাল্ম ওইল হেন্না পুথোকপা ঙমহনগনি। ফোর্ম্যুলা প্রাইস (এফ.পি) অমসু ফিক্স তৌগনি অমদি মদু সি.পি.ওগী 14.3% ওইগনি অমদি থাগী ওইনা ফিক্স তৌগনি। ভাইএবিলিটি গেপ ফন্দিং অসি ভি.পি-এফ.পি ওইগনি অমদি করিগুম্বা মথৌ তারক্লবদি, মসি দি.বি.টিগী মওংদা ফার্মরশিংগী একাউন্টশিংদা হকথেংননা চংহনগনি। ফার্মরশিংদা পীরিবা এসুরেন্স অসি ভাইএবিলিটি গেপ ফন্দিংগী মওংদা ওইগনি অমদি ইন্দষ্ট্রিনা সি.পি.ও প্রাইসকী 14.3% পীনবগী মেন্দেট লৈগনি অমদি মদু 15.3% য়ৌগনি। স্কিম অসিগী ওইনা সনসেট ক্লোজ অমা লৈগনি অমদি মদু নবেম্বর তাং 1, 2037 ওইগনি। নোৰ্থ-ইষ্ট অমসুং অন্দামান্দা অহেনবা মপাঙ্গল হাপ্পা ওইনা অমদি ফার্মরশিংবু ভারতকী অতৈ মফমশিংগা মান্ননা পীনবগীদমক্তা, গবৰ্ণমেন্টনা সি.পি.ও প্ৰাইসকী 2% গী অহেনবা কোষ্ট অমা পুথোক্কনি। গবর্ণমেন্ট ওফ ইন্দিয়ানা প্রোপোজ তৌরিবা মেকানিজম অসিবু চৎনরিবা ষ্টেটশিংনা স্কিম অসিদা প্রোপোজ তৌরিবা ভাইএবিলিটি গেপ পেমেন্টতগী কান্নবা ফংগনি অমদি মসিগীদমক্তা মখোয়না সেন্ত্রেল গবর্ণমেন্টকা এম.ও.য়ু ইনগনি। ইনপুটশিং/ইন্টরভেন্সনগীদমক্তা মতেং পীবা স্কিমগী অনিশুবা মরুওইবা মীৎয়েং অসি ইনপুটশিং/ইন্টরভেন্সনশিংগীদমক্তা মতেং পীবা হেনগৎনবা অসিনি। ওইল পাল্মগী প্লান্টিং মেটরিএলগীদমক্তা চাউনা হেনগৎহল্লে অমদি মসি হেক্টর অমদা লুপা 12,000 দগী হেক্টর অমদা লুপা 29000 দা হেনগৎহনখ্রে। মেন্টেনেন্স অমদি ইন্টর-ক্রোপ্পিং ইন্টরভেন্সনশিংগীদমক্তা মখা তানসু চাউনা হেনগৎহনখ্রে। অরিবা গার্দেনশিংবু নৌথোকহন্নবা অরিবা গার্দেনশিংদা রিপ্লান্ট তৌনবগীদমক্তা প্লান্ট অমদা লুপা 250 গী চাংদা অখন্নবা তেঙবাং অমা পীগনি। লৈবাক অসিদা প্লান্টিং মেটরিএলগী অৱাৎপা লৈহন্দনবগীদমক্তা, রেষ্ট ওফ ইন্দিয়াগী ওইনা হেক্টর 15 দা লাখ 80 ফাউবগী অমদি নোর্থ-ইষ্ট অমদি অন্দমান লমদমগী ওইনা হেক্টর 15 গী ওইনা লুপা লাখ 100 ফাউবগী তেঙবাং অসি সীদ গার্দেনশিংদা পীগনি। মখাতানা, সীদ গার্দেনসিংগী তেঙবাং ওইনা, রেষ্ট ওফ ইন্দিয়াগী ওইনা লুপা লাখ 40 অমদি নোর্থ-ইষ্ট অমদি অন্দমান রিজনশিংগী ওইনা লুপা লাখ 50গী চাংদা পীগনি। নোর্থ-ইষ্ট অমদি অন্দমান রিজনশিংগী ওইনা মখাতানা স্পেসিএল এসিষ্টেন্স পীবা ওইনা ইন্টিগ্রেটেদ ফার্মিংগা লোয়ননা হাল্ফ মুন টেরেস কল্টিভেসন, বাই ফেন্সিং অমদি লেন্দ ক্লিয়ারেন্সকীদমক্তা অখন্নবা প্রোভিজনশিং শেম্লে। ইন্দষ্ট্রি, নোর্থ-ইষ্ট ষ্টেটশিং অমদি অন্দমানদা কেপিটেল এসিষ্টেন্স পীনবগীদমক্তা, হায়র কেপাসিটিগী ওইনা প্রো রেটা হেনগৎপগা লোয়নবা 5 mt/hr unit কী লুপা ক্ৰোর 5 গী প্রোভিজন অমা শেম্লে। মসিনা লমদম অসিদা লৈরিবা ইন্দষ্ট্রিগী মীৎয়েং চিংশিনগনি। সোর্স : পি আই বি