গবর্ণমেন্ট ওফ ইন্দিয়ানা অহানবা ওইনা, ইং 2020 গী নবেম্বর তাং 1 দগী হৌদুনা অরুনাচল প্রদেশতসু এমপ্লোয়িজ ষ্টেট ইন্সুরেন্স (ই.এস.আই) স্কিম অসি চৎনহনখ্রে। সেন্ত্রেল গবর্ণমেন্টনা মসিগী মতাংদা ইসু তৌবা নোটিফিকেসন অমনা ই.এস.আই স্কিমগী মখাদা পাপুম পারে দিষ্ট্রিক্ট অসি কোন্সিনখ্রে। ইলিজিবিলিটি অরুনাচল প্রদেশকী পাপুম পারে দিষ্ট্রিক্টতা লৈবা, মীওই 10 নত্ত্রগা মসিগী মথক্তা থবক পীরিবা ফেক্টরি পুম্নমক্না ই.এস.আই. এক্ট 1948 কী মখাদা ইলিজিবল ওইগনি। ফেক্টরিশিং অসিদা থবক শুরিবা, থাদা লুপা 21,000 ফাউবগী খুৎশুমল ফংলিবা এমপ্লোয়িশিংনা (দিসএবিলিটিগী মীওই অমগী ওইনা থাদা লুপা 25,000) ই.এস.আই স্কিমগী মখাদা কোন্সিন্ননবগীদমক্তা ইলিজিবল ওইগনি। কান্নবশিং কোভর তৌরবা এমপ্লোয়িশিং অমসুং মখোয়গী দিপেন্দেন্টশিংনা, কেসলেস মেদিকেল কেয়র সর্ভিসেস, সিকনেস বেনিফিট, মেটরনিটি বেনিফিট, এমপ্লোয়মেন্ট ইঞ্জুরি বেনিফিট অমসুং এমপ্লোয়মেন্ট ইঞ্জুরিনা মরম ওইদুনা শিরগদি দিপেন্দেন্ট বেনিফিট, অনএমপ্লোয়মেন্ট বেনিফিট, অসিনচিংবা কয়া অসি য়াউনা অতৈ বেনিফিট কয়াগীদমক্তা ইলিজিবল ওইগনি। মেদিকেল কেয়রগী এরেঞ্জমেন্টশিংদি ইটানগরদা নৌনা হাংদোক্লিবা দিসপেন্সরি কম ব্রাঞ্চ ওফিস (দি.সি.বি.ও) অমগী খুত্থাংদা পাঙথোক্কনি। কমদৌনা এপ্লাই তৌগদগে ই.এস.আই স্কিমগী মখাদা ওনলাইন রেজিষ্ট্রেসনগী খুদোংচাবসি অসি www.esic.in দা অমদি মিনিষ্ট্রি ওফ লেবর এন্ড এমপ্লোয়মেন্ট, গবর্ণমেন্ট ওফ ইন্দিয়াগী “Shram Suvidha Portal” দা ফংগনি। ই.এস.আই এক্টকী মখাদা রেজিষ্ট্রেসন তৌনবগীদমক্তা ফিজিকেল দোক্যুমেন্ট অমত্তা পীশিনবগী মথৌ তারোই।